Atomuhr
Kalender  

Dienstag, 7. Oktober 2014

Mini Liebe Fründe
Hüt am zäh ab zwöufi het sech mi Kreis für immer gschlosse.
Ig ha dörfe vierzähehaub Johr mis Läbe z Hettiswiu bi mine Liebschte verbringe.
Ig ha scho us Wäupeli dörfe mit ufs Schiffli, Sässeli, Zug, Bus, Gondeli u natürlech immer mit dr bi si wemer mitem Outo furt si gange. I darf säge ig ha es schöns Läbe chönne gniässe. I bi i au dene Johre nume drei Nächt vo mine Liebschte trennt gsi. D Fründe wie Du - vo mine zwöi Liebschte, sit ou immer mini Fründe gsi. Bi Öich bini immer härzlech empfange worde.
Im letschte Monet hani no einisch die meischte vo Öich dörfe gseh u gschpüre. Ds Schutte mit Öich hani immer gliebt we öpper vo Öich het mit ghufe.
Mini Lympfchnote si immer grösser worde u ide letschte paar Täg isch mis hächle extremer worde, d Ouge u mis Ghör het schwär abghä u i cha schlächt ufschtoh.
Itz isches Zit worde das ig Öich verloh mues.
Ig ha Öich fescht gärn! Merci für aus wo Dir mir gäh heit

E dicke Pfotedruck schickt usem Jensitz
Caramba